غزہ (صباح نیوز)وسطی غزہ میں اسرائیلی طیاروں کی بمباری سے 40 فلسطینی جان کی بازی ہار گئے ہیں جب کہ متعدد زخمی ہو گئے ہیں۔ فلسطینی وزارت صحت کے مطابق غزہ پر اسرائیلی فوج کے حملوں میں 40سے زائد شہری شہید اور درجنوں زخمی ہوئے۔
اسرائیلی فوج نے وسطی غزہ کے نصیرات کیمپ اور اس کے گردونواح میں میں متعدد قتل عام کیے، قابض فوج کے انسانیت کے خلاف جرائم کے ارتکاب کے دائرے میں توسیع صاف دکھائی دیتی ہے جو نہتے فلسطینیوں کو بے رحمی کے ساتھ نشانہ بنا رہی ہے۔ گذشتہ 48 گھنٹوں کے دوران 254 رہائشی یونٹوں پر بمباری کی اور انہیں تباہ کیا۔ قابض فوج اس بمباری کے لیے بین الاقوامی سطح پر ممنوعہ ہتھیاروں کا استعمال کررہی ہے۔
