اسلام آباد (صباح نیوز) بزرگ صحافی، پاکستان فیڈرل یونین آف جرنلسٹس دستور کے سابق صدر سعود ساحر کی تیسری برسی کے موقع پر انھیں خراج عقیدت پیش کرنے کیلئےکل بروز بدھ سہہ پہر تین بجے تعزیتی ریفرنس نیشنل پریس کلب میں ہوگا۔ سینئر صحافیوں سمیت سیاسی و مذہبی رہنما بھی اپنے بزرگ صحافی قائد کو خراج عقیدت پیش کریں گے۔
پی ایف یوجے ،آر آئی یو جے دستور کی طرف سے تعزیتی ریفرنس ہوگا۔تعزیتی ریفرنس کی صدارت پی ایف یوجے دستور کے صدر محمد نوازرضا کریں گے جبکہ سینئرصحافی شکیل ترابی،حنیف خالد ، عزیز علوی ،محسن رضا،جاویدصدیق ،مغیث اشرف بیگ، فاروق فیصل خان، فاروق عادل، جاوید چوھدری، جاوید اقبال قریشی ودیگر اپنے بزرگ قائد اور فکری راہنما کو خراج عقیدت پیش کریں گے ۔
