کوئٹہ(صباح نیوز)ژوب میں جماعت اسلامی کے امیر سراج الحق کے قافلے کے قریب دھماکا ہوا ہے۔جماعت اسلامی کے سیکرٹری جنرل امیر العظیم کے مطابق سراج الحق پر بلوچستان میں خودکش حملہ ہوا ہے اور حملہ آور مارا گیا۔
جب امیر جماعت اسلامی سراج الحق کے قافلے پر خودکش حملہ کیا گیا
سراج الحق قافلے کی صورت میں ژوب میں جلسہ عام سے خطاب کے لیے جا رہے تھے
خودکش حملہ آور نے اس دوران سراج الحق کی گاری کے قریب خود کو دھماکہ سے اڑایا
سراج الحق اس حملے میں محفوظ رہے
جماعت اسلامی کے 7 کارکنان زخمی ہیں، 4… pic.twitter.com/6yMu3XxURw— Jamaat e Islami Pakistan (@JIPOfficial) May 19, 2023
انہوں نے کہا کہ سراج الحق اور دیگر تمام احباب محفوظ ہیں۔ امیر جماعت جمعہ کو ژوب میں جلسہ عام سے خطاب کے لیے موجود تھے،امیر جماعت سراج الحق کو قافلے کی صورت میں لے جایا جا رہا تھا، خودکش حملہ آور نے اس دوران دھماکہ کیا،سراج الحق اس حملے میں محفوظ رہے تاہم دھماکے میںجماعت اسلامی کے 7 کارکنان زخمی ہوئے
دوسری جانب پولیس نے تصدیق کی ہے کہ ژوب میں سراج الحق کے قافلے کے قریب دھماکا ہوا ہے اور دھماکے میں امیر جماعت اسلامی سراج الحق محفوظ رہے۔ابتدائی اطلاعات کے بعد خود کش بمبار کی جیکٹ مکمل طور پر پھٹ نہ سکی۔پولیس اور قانون نافذ کرنے والے اداروں کے اہلکار دھماکے کے فورا بعد جائے وقوعہ پر پہنچ گئے۔۔