جموں: جموں کے ریاسی اورسانبہ ضلع میں3 افراد مارے گئے ۔ضلع ریاسی میں ایک نوجوان پراسرار حالت میں مردہ پایا گیا۔
مذکورہ نوجوان کی شناخت 22سالہ آکرشت ملہوترا کے نام سے ہوئی ہے جو کٹرہ کے مقام کڈمل میں ریلوے لائن کے قریب مردہ حالت میں پایا گیا۔ ایس ایچ او کٹرہ انسپکٹر نشانت گپتا نے بتایا کہ موت کی وجہ کا ابھی تک پتہ نہیں چل سکا ہے۔
دریں اثنا ایک ٹرک ڈرائیور کی بجلی کا کرنٹ لگنے سے اس وقت موت ہو گئی جب اس کا ٹرک کٹھوعہ کے علاقے ہیرا نگر کے قریب بجلی کے تار سے ٹکراگیا۔جموں وکشمیر کے سانبہ ضلع کے گھاگوال علاقے میں تیز رفتار ٹرک نے موٹر سائیکل کو ٹکر ماری جس وجہ سے اس پر سوار باپ بیٹا شدید طورپر زخمی ہوئے اور بعد ازاں بیٹے نے ہسپتال میں آخری سانس لی۔۔
