سری نگر:نئی دہلی کی تہاڑ جیل میں قید کل جماعتی حریت کانفرنس کے چیرمین مسرت عالم بٹ نے کہا ہے کہ بھارت گزشتہ سات دہائیوں سے مسئلہ کشمیر کے منصفانہ حل کی راہ میں رکاوٹیں ڈال رہا ہے۔
مسرت عالم بٹ نے بھارت کی بدنام زمانہ تہاڑ جیل سے اپنے پیغام میں کہا کہ کشمیری عوام کو حق حاصل ہے کہ وہ اپنی خواہشات اور امنگوں کے مطابق تنازعہ کشمیر کا حل تلاش کریں۔
انہوں نے مزید کہا کہ دیرپا تنازعہ کشمیر کے حل تک جنوبی ایشیا میں مستقل امن قائم رہے گا۔انہوں نے کہا کہ بھارت کی ہٹ دھرمی کی وجہ سے جنوبی ایشیا بالخصوص اور دنیا میں بالعموم امن دا پر لگا ہوا ہے اور پاکستان نے ہمیشہ بھارت کے ساتھ نتیجہ خیز مذاکرات کے ذریعے تنازعہ کشمیر کے پرامن حل کی وکالت کی ہے۔
اے پی ایچ سی کے چیئرمین نے کہا کہ مودی کو یاد رکھنا چاہیے کہ بھارت کی جبر کی پالیسی بھارت کے غیر قانونی طور پر مقبوضہ جموں و کشمیر میں ناکام ہونے والی ہے۔ انہوں نے کہا کہ بھارت کو واضح طور پر کہا جانا چاہیے کہ وہ تنازعہ کشمیر کے حل کے لیے اقوام متحدہ کے سامنے کیے گئے اپنے وعدوں کو پورا کرے۔
مسرت عالم بٹ نے کہا کہ عالمی برادری کی ذمہ داری ہے کہ وہ تنازعہ کشمیر کے حل میں مدد فراہم کرے اور اقوام متحدہ پر زور دیا کہ وہ اپنی قراردادوں کے مطابق تنازعہ کشمیر کے حل میں مدد کے لیے اپنا صحیح کردار ادا کرے۔
