اسلام آباد(صباح نیوز) وزیراعظم شہباز شریف کی ہدایت پر ملک گیر پاور بریک ڈاؤن کی انکوائری کے لیے 4 رکنی کمیٹی تشکیل دے دی۔
تفصیلات کے مطابق وزیر اعظم شہباز شریف کی ہدایت پر 4 رکنی انکوائری کمیٹی کے کنوینئر وزیر مملکت پیٹرولیم مصدق ملک مقرر کیے گئے جبکہ کمیٹی میں سیکریٹری پاور قائد اعظم تھرمل پاور کے سی ای او، ہائی ٹک انسٹویٹ ٹیکسلا کے چیئرمین طاہر ندیم ملک بھی شامل ہیں۔
اس حوالے سے وزارت توانائی نے نوٹی فکیشن جاری کر دیا جس کے مطابق کمیٹی پاور بریک ڈاؤن کی وجوہات اور ذمہ داروں کا تعین کرے گی۔کمیٹی مستقبل میں ایسے بلیک آئوٹ سے بچائو کی تجاویز بھی وزیر اعظم شہباز شریف کو پیش کری گی۔
