لاہور(صباح نیوز) پاکستان مسلم لیگ (ن) کے رہنما عطا تارڑ نے سابق وزیراعظم عمران خان سے ذرائع آمدن بتانے کا مطالبہ کرتے ہوئے کہاہے کہ نیازی حکومت کے ساڑھے تین سال کے دوران پنجاب کو دونوں ہاتھوں سے لوٹا گیا، 43 مشکوک ٹرانزیکشنز کے ذریعے کروڑوں روپے منتقل ہوئے، کہانیاں کھل کر سامنے آرہی ہیں۔
لاہور میں پریس کانفرنس کرتے ہوئے عطا تارڑ کا کہنا تھا کہ وسیم اکرم پلس کے پاس کوئی تجربہ نہیں تھا، عمران کی ناک تلے کئی 100 کروڑ کی کرپشن کی، ہمارے پاس کچھ شواہد آنا شروع ہوئے ہیں، 43 مشکوک بینک ٹرانزیکشن ہے، ایک اکاونٹ میں 45 کروڑ آیا، 70 کروڑ کیش کی شکل میں آیا، یہ کیش ڈیپازٹ کس مد میں آئے؟ یہ کسی بھی سڑک کی منظوری کرانے سے پہلے اربوں کی اراضی خرید لیتے تھے، پہلی کرپشن ٹیکس ایمنسٹی، دوسری کرپشن ٹھیکے داروں سے ٹرانسفر، پوسٹنگ تھی، کیا عمران خان کو 85 کروڑ روپے، 43 بینک ٹرانزیکشنز کا علم نہیں تھا؟، ہمیں یقین ہے یہ کیش عمران خان کو گیا۔
انہوں نے سوال کیا کہ عمران خان کا ذریعہ معاش کیا ہے؟ اگرعمران اتنے سچے ہیں تو اپنا ذریعہ آمدن بتائیں، سابق وزیراعظم کی شاہانہ زندگی، 400 کنال کے گھر کو کیسے چلاتے ہیں، اب سمجھ آئی ہے ان کا گھر کیسے چلتا تھا، 50 کروڑ پے آرڈر کے ذریعے اکاونٹس سے نکلوایا گیا۔ان کا کہنا تھا کہ عمران خان نے جان بوجھ کرعثمان بزدار کو لگایا، اکاونٹس کی تمام تر تفصیلات موجود ہے، یواے ای میں فلیٹ خریدا گیا، اگر یہ بے نامی پراپرٹی نہ ہوتی توعمران ایمنسٹی اسکیم نہ کراتے، یہ کوئی بین الاقوامی سازش نہیں ہے،
انہوں نے کہا کہ ٹیکس ایمنٹسی اسکیم پہلا این آراو ہے جو فرح گوگی کودیا گیا ان کے 2019 میں اثاثے 21 کروڑ روپے کے تھے اس وقت ان کے اثاثوں کی مالیت 81 کروڑ روپے رہے۔عطا تارڑ نے بتایا کہ فرح گوگی کے بینکوں میں 45 مشکوک ٹرانزیکشن ہیں انہوں نے عمران خان کے ایما پر کرپشن کی ہے، فرح نے جو بھی مال کمایا وہ ان ہی کے ایما پر کیا، یہ اب فرح گوگی بچا وتحریک پر نکلے ہیں۔ن لیگی رہنما کے مطابق فرح گوگی کا براہ راست رابطہ عمران خان کی اہلیہ سے ہے، 2019 میں 32 کروڑ روپے ایمنسٹی اسکیم میں ٹیسک پاس کروایا۔
انہوں نے کہا کہ فرح گوگی کے پاس 32 کروڑ روپے کی منی ٹریل نہیں تھی، سیاہ اورسفید کا مالک عمران خان نے انہی کوبنایا، فرح گوگی عمران خان کی بینامی ہے، عمران خان کی اجازت سے 32 کروڑ روپے کا ٹیکس معاف کرایا گیا، فرح گوگی کے خلاف بیرونی نہیں مقامی سازش ضرور ہے۔انہو ں نے کہاکہ ساڑھے تین سال میں عوام کے حق پر ڈاکہ ڈالا گیا، عمران خان نے ایسے شخص کو سی ایم بنایا اس کے پاس کوئی اختیارات نہیں تھے، زمان پارک کا گھر عمران خان کو کس نے بنا کر دیا اور کیوں بنا کر دیا۔پاکستان مسلم لیگ(ن) کے رہنما نے کہا کہ تانے، بانے بنی گالہ سے ملتے ہیں، عمران خان پبلک آفس ہولڈر آپ ہیں، عمران خان نے یہ کرپشن خود کروائی ہے، پوسٹنگ، ٹرانسفر کے لیے رشوت پر توعمران کو نوٹس لینا چاہیے تھا، پنجاب میں ہر نوکری، منصوبوں پر کمیشن لی گئی،
عمران خان کے پاس ان سوالات کا کوئی جواب نہیں، فواد چودھری کی معصومیت پر صدقے جائیں، ان کو بھی کالے کرتوتوں کا جواب دینا ہوگا، فواد چودھری کو چیلنج کرتا ہوں اپنے چیئرمین کے الزامات کا جواب دے، کیش کہاں گیا اور کہاں سے آیا، جواب دیں، توقع رکھتا ہوں ان سوالوں کا جواب دیا جائے گا، اربوں کی اراضی، مشکوک ٹرانزیکشن کا ریکارڈ پبلک کریں گے، 85 کروڑ کیش کی صورت میں بینکوں میں آیا، ابھی تو یہ شروعات ہیں۔عطا تارڑ کا کہنا تھا کہ شہباز گل کے ساتھ ہمدردی ہے، اگر وہ چاہیں گے تو انہیں سکیورٹی بھی دیں گے، مریم نوازکراوڈ پلر ہیں، جہاں جائیں گی عوام کا سمندر ہوگا
