نیویارک (صباح نیوز)اقوام متحدہ میں پاکستان کے مستقل مندوب منیر اکرم نے کہا ہے کہ ہتھیاروں کی دوڑ، اسلامو فوبیا، نفرت انگیز تقاریر سے مسائل میں اضافہ ہوا ہے۔
چین اور ترقی پذیر ممالک پر مشتمل گروپ آف 77 کی انفارمیشن کمیٹی کا اجلاس ہوا جس میں اقوام متحدہ میں پاکستان کے مستقل مندوب منیر اکرم نے خطاب کرتے ہوئے کہا کہ ہتھیاروں کی دوڑ، اسلاموفوبیا، نفرت انگیز تقاریر سے مسائل میں اضافہ ہوا ہے۔منیر اکرم کا کہنا تھا کہ کورونا وبا اور آب وہوا کی تبدیلی جیسے مسائل نے چیلنجز بڑھا دیے ہیں جس کے باعث ترقی یافتہ اور ترقی پذیر دنیا کے درمیان ڈیجیٹل فرق وسیع ہو رہا ہے۔
ان کا مزید کہنا تھا کہ بیشتر ممالک کو خوراک، تونائی اور سپلائی چین کی رکاوٹ جیسے سنگین چیلنجز کا بھی سامنا ہے۔منیر اکرم نے یہ بھی کہا کہ وسیع عالمی معاونت کیلئے اطلاعات، معلومات کی کمیٹی کا کردار اہم ہے، اس طرح کی صورتحال میں عالمی مواصلات کے شعبے نے نسبتاً بہترکام کیا لیکن عالمی امن اور استحکام کیلئے پیغاما ت کو مزید واضح اور مؤثر انداز میں جانا چاہیے
