اسلام آباد(صباح نیوز)حکومت سندھ نے کل (منگل کو ) شب معراج کے حوالے سے سندھ بھر کے سرکاری و نجی تعلیمی اداروں میں تعطیل کا اعلان کردیا۔سیکرٹری تعلیم سندھ غلام اکبر لغاری کے مطابق اس سال بھی شب معراج نہایت عقیدت واحترام کے ساتھ منائی جائے گی۔
انہوں نے کہاکہ محکمہ تعلیم سندھ نے یکم مارچ کو شب معراج کے موقع پر عام تعطیل کا اعلان کیا ہے جس کے تحت صوبے کے تمام سرکاری و نجی سکول ایک دن کیلئے بند رہیں گے۔ سیکرٹری تعلیم سندھ نے مزید کہاکہ محکمہ تعلیم کی طرف سے طے کردہ سالانہ سرکاری چھٹیوں کی منظوری سٹیئرنگ کمیٹی کے حالیہ اجلاس میں دی گئی۔
