لندن(صباح نیوز) وزیر مملکت طلال چوہدری نے لندن میں بارڈر سیکیورٹی سمٹ 2025ء میں شرکت کی۔سمٹ میں وزیر مملکت برائے داخلہ نے برطانوی وزیر داخلہ ،نائب وزیر خارجہ،جرمنی، سپین، آسٹریا اور پولینڈ کے وزرائے داخلہ سے بھی ملاقات کیں۔وزیر مملکت برائے داخلہ طلال چوہدری نے کہاہے کہ قانونی اور باقاعدہ امیگریشن کے فروغ کے لیے اقدامات ضروری ہیں،غیر قانونی امیگریشن، دہشتگردی اور انسانی اسمگلنگ کے چیلنجز سے نمٹنے کے لیے مشترکہ حکمت عملی ناگزیر ہے۔ وزیر مملکت برائے داخلہ طلال چوہدری نے لندن میں بارڈر سیکیورٹی سمٹ 2025میں شرکت کی ۔طلال چوہدری نے برطانوی وزیر داخلہ یوویٹ کوپر، برطانوی نائب وزیر خارجہ ہمیش فالکنر اور انجیلا ایگل سے ملاقاتیں کیں۔
وزیر مملکت طلال چوہدری نے جرمنی، سپین، آسٹریا اور پولینڈ کے وزرائے داخلہ سے بھی ملاقات کیں اور سرحدی سیکیورٹی پر تبادلہ خیال کیا۔ طلال چوہدری نے غیر قانونی امیگریشن کے خاتمے اور قانونی راستوں کے فروغ پر برطانوی حکام سے اہم گفتگو کی ۔برطانوی وزرا نے پاکستانی حکومت غیرقانونی امیگریشن کے خاتمے کے لیے کی کاوشوں کو سراہا۔ ہمیش فالکنر نے کہاکہ وزیر داخلہ محسن نقوی سے چند ماہ قبل کی ملاقات کے مثبت نتائج سامنے آ رہے ہیں۔
وزیرمملکت طلال چوہدری نے بارڈر سیکیورٹی، دہشتگردی کے خاتمے اور انسانی اسمگلنگ پر پاکستان کی مشترکہ حکمت عملی پر زور دیتے ہوئے کہاکہ قانونی اور باقاعدہ امیگریشن کے فروغ کے لیے اقدامات ضروری ہیں۔ غیر قانونی امیگریشن، دہشتگردی اور انسانی اسمگلنگ کے چیلنجز سے نمٹنے کے لیے مشترکہ اور دیرپا حکمت عملی ناگزیر ہے۔ وزیراعظم پاکستان اور وزیر داخلہ کی ہدایات پر پاکستان عالمی سطح پر غیر قانونی امیگریشن، بارڈر سیکیورٹی اور منظم جرائم کے خاتمے کیلئے سرگرم ہے، پاکستان نے بارڈر سیکیورٹی سمٹ 2025 میں غیر قانونی امیگریشن اور سرحدی جرائم کے خلاف عالمی تعاون پر اہم تجاویز پیش کیں۔
