جموں : مقبوضہ جموںوکشمیر میں بھارتی پولیس نے جموں میں یومیہ اجرت پر کام کرنے والے محکمہ پبلک ہیلتھ انجینئرنگ (پی ایچ ای) کے ملازمین کے احتجاجی مارچ کو ناکام بنانے کیلئے ان پر طاقت کا وحشیانہ استعمال کیا۔
ملازمین اجرتوں کی واگزاری اور مستقل کیے جانے کے مطالبات پر زور دینے کیلئے احتجاج کر رہے تھے تاہم بھارتی پولیس نے انہیں منتشرکرنے کیلئے شدید لاٹھی چارچ کیا جس سے کئی افراد زخمی ہوگئے ،پی ایچ ای ایمپلائز یونین کے بینر تلے ہونے والے مارچ کے سینکڑوں شرکاء نے وزیر اعلی عمر عبداللہ کی رہائش گاہ کی جانب مارچ کرنے کی کوشش کی تاہم پولیس کی بھاری نفری نے انہیں شہیدی چوک پر روک دیا۔ بعد ازاں مظاہرین نے ریذیڈنسی روڈ پر دھرنا دیا۔
