لندن (صباح نیوز)یو کے سلامک مشن( آئی ایم )سلاؤ کے زیر اہتمام بڑے یونیٹی افطار ڈنر کا اہتمام کیا گیا جس میں سینکڑوں مسلمانوں کے علاوہ ایک بڑی تعداد میں غیر مسلموں نے بھی بڑی تعداد میں شرکت کی۔
افطار ڈنر میں سلاؤ سے ممبر پارلیمنٹ ٹن ڈیسی اور سلاوبارو کونسل کے درجنوں موجودہ و سابق کونسلرز نے شرکت کی۔ یوکے اسلامک مشن سلاؤ کے زیر اہتمام افطار ڈنر میں سلاؤ سے مسلمان اور غیر مسلم کمیونٹی مرد خواتین اور بچوں کی کثیر تعداد نے شرکت کی۔
تقریب سے خطاب کرتے ہوئے رکن پارلیمنٹ ٹن ڈیسی نے کہا کہ یوکے آئی ایم امن بھائی چارے اور چیریٹی کے شعبوں میں یوکے اور بین الاقوامی سطح پہ بہترین کام کر رہی ہے جو کہ کسی بھی معاشرے کے لئے بہت ضروری ہے،انہوں نے کہا کہ ایسی تنظیمیں کسی بھی سوسائٹی کی تعمیر اور تربیت کے لئے اہم کردار ادا کرتی ہیں۔
تقریب سے خطاب کرتے ہوئے یو کے اسلامک مشن کے مرکزی صدر ریاض ولی نے رمضان کی اہمیت پر روشنی ڈالنے کے علاوہ یو کے اسلامک مشن کی طرف سے ہونے والی سرگرمیوں کے حوالے سے حاضرین کو بتایا، تقریب میں شریک کمیونٹی اور کونسلرز کی طرف سے یوکے آئی ایم کے کاموں کو بہت سراہا گیا مختلف کمیو نٹی سے تعلق رکھنے والے افراد کا کہنا تھا کہ یوکے آئی ایم برطانیہ میں معاشرے کی بہتری کے لئے بہترین خدمات سر انجام دے رہی ہے۔
ایونٹ میں خواتین اور بچوں کی بڑی تعداد بھی شریک ہوئی۔۔تقریب کے اختتام سلاؤ برانچ کے صدر عبید محمد نے تمام مہمانوں اور شرکا کا شکریہ ادا کیا۔شرکا ء کو افطار ڈنر کروایا گیا اور مہمانوں کو گفٹ ہیمپرز دئیے گئے جس میں قرآن پاک اور اسلامی تعلیمات کی کتب شامل تھیں۔افطار ڈنر میں یوکے آئی ایم سلا برانچ سے ڈاکٹر عارف،عاصم الدین،ظفر شاہد،چوہدری ابرار حسین،آصف تارڑ،محمد جمال،محمد شاہنواز،نعمان درانی،محمد کاشف،راجہ شاہد،وقاص گجر،نظام غوری،اسد انصاری،عبدالرحیم،موسی وڑائچ اور دیگر نے شرکت کی۔
