کراچی(صباح نیوز) کونسل آف پاکستان نیوزپیپر ایڈیٹرز (سی پی این ای) نے روزنامہ جہان پاکستان گروپ کے پرنٹر اینڈ پبلشر ایم اے رؤف کے انتقال پر گہرے دکھ اور دلی تعزیت کا اظہار کیا ہے۔
ایک مشترکہ بیان میں سی پی این ای کے صدر ارشاد احمد عارف، سیکریٹری جنرل اعجاز الحق و دیگر عہدیداروں اور تمام اراکین نے رکن اخبار جہان پاکستان گروپ کے ایڈیٹر انچیف اویس رؤف سے ان کے والد ایم اے رئوف کے انتقال پر تعزیت کرتے ہوئے گہرے رنج و غم اور افسوس کا اظہار کیا ہے اور مرحوم ایم اے رئوف کی مغفرت کے لئے دعا کی ہے کہ اللہ تعالیٰ انہیں اپنے جوار رحمت میں جگہ عطا فرمائے اور سوگوارن کو اس سانحہ پر صبر جمیل عطا فرمائے۔ آمین!
