کوئٹہ(صباح نیوز)کوئٹہ میں گیس لیکیج سے دھماکے میں ایک بچی جاں بحق اور3زخمی ہوگئے۔
ریسکیو حکام کے مطابق کوئٹہ میں ہزار گنجی بخاری ٹاؤن کے قریب ایک گھر میں گیس لیکج دھماکے سے ایک بچی جاں بحق اور دوبچیاں جھلس کر زخمی ہوگئیں ۔جاں بحق بچی اور دوزخمیوں کو بی ایم سی ہسپتال کے برن وارڈ منتقل کر دیا گیا۔
جاں بحق بچی کامیلا کی عمر 8 سال جبکہ زخمی بچوں خدیجہ اوربی بی انزلہ کی عمریں ایک سے 6 سال کے درمیان ہیں۔
