کوئٹہ (صباح نیوز)بلوچستان کے 16اضلاع میں یکم جولائی سے انسداد پولیو کی خصوصی مہم شروع کرنے کا فیصلہ کیا گیا ہے۔صوبائی محکمہ صحت کے مطابق مہم کا فیصلہ صوبے میں پولیوکا نیا کیس رپورٹ ہونے اور ماحولیاتی نمونوں میں وائرس کی موجودگی کی بنا پرکیاگیا ۔ محکمہ صحت کے مطابق انسداد پولیو مہم لورالائی، قلعہ سیف اللہ، دکی، اوستہ محمد، مستونگ، سبی ، نصیرآباد، قلات، ژوب اور شیرانی میں شروع جائیگی۔
اس کے علاوہ چمن، قلعہ عبداللہ، موسیٰ خیل، لسبیلہ، بارکھان اور زیارت کی تحصیل سنجاوی میں بھی خصوصی پولیو مہم شروع کی جائے گی۔یاد رہے کہ رواں سال بلوچستان میں پولیو کے 5کیسز رپورٹ ہوچکے ہیں، پولیو کے 2کیسز قلعہ عبداللہ اور ایک،ایک کیس کوئٹہ،ڈیرہ بگٹی اورچمن سے رپورٹ ہوا تھا۔
