کراچی(صباح نیوز)کراچی میں شدیدگرمی سے انسان تو انسان جانور بھی متاثر ہونے لگے،تین روز میں گرمی سے 150جانور مرگئے۔
ترجمان کراچی کیٹل فارمزایسوسی ایشن شبیرڈار کے مطابق بروقت علاج معالجہ نہ ہونے سے فارمرز کو مالی نقصان کا سامنا ہے۔شبیرڈار کے مطابق مشکلات کے باوجود محکمہ لائیواسٹاک کے ویٹرنری ڈاکٹرز غائب ہیں، محکمہ لائیوسٹاک دیکھ بھال اور ادویات کی فراہمی یقینی بنائے۔قبل ازیں گزشتہ روز کراچی میں پارہ 41ڈگری تک پہنچنے کے بعد شہریوں کی ہمت جواب دے گئی۔ چار روز کے دوران شدید گرمی سے متاثرہ 70سے زائد افراد سول اور جناح ہسپتال پہنچ گئے۔
