کراچی(صباح نیوز)کراچی ایئرپورٹ پر دو مسافروں میں کورونا کی نئی قسم جے این ون کی تصدیق ہو گئی۔
ایئرپورٹ ہیلتھ حکام کے مطابق بیرون ملک سے آنے والے دو مسافروں میں کووڈ کے نئے ویرینٹ جے این ون کی مشتبہ علامات پائی گئیں ، کورونا کی نئی قسم کے ٹیسٹ مثبت آنے پر دونوں مسافروں کو گھر پر قرنطینہ کرنے کی ہدایت کی گئی ۔ ایک مسافر جدہ سے جبکہ دوسرا کولاالمپور سے کراچی پہنچا تھا،ان مسافروں میں سے ایک تعلق سندھ اور دوسرے کا پنجاب کے ضلع ڈی جی خان سے ہے ۔ کراچی ایئرپورٹ پرگزشتہ روز مسافروں میں کوویڈ کی نئی قسم کی موجودگی کے خدشے کے پیش نظر ٹیسٹنگ کا آغاز کیا گیا تھا۔ کووڈ ٹیسٹنگ کیلئے ریپڈ ڈائیگنوسٹک کٹس کی فراہمی کے بعد تقریباً22 مسافروں کے ٹیسٹ کئے گئے تھے۔قومی ادارہ صحت نے بھی نئے ویرینٹ کی روک تھام کیلئے 2 جنوری کوایڈوائزری جاری کی تھی۔
