اسلام آباد(صباح نیوز)نگراں وفاقی وزیر برائے خزانہ، محصولات اور اقتصادی امور ڈاکٹر شمشاد اخترنے عالمی ٹیکس پالیسی اصلاحات اور G-24 کے لیے اختیارات پر گول میز مباحثے میں شرکت کی جو ورلڈ بینک اور بین الاقوامی مالیاتی فنڈ کے سالانہ اجلاس کے پس منظر میں منعقد ہوئی۔
ان کی شرکت نے بین الاقوامی تعاون کو فروغ دینے اور ٹیکس پالیسی کے جدید حل کے لیے پاکستان کے عزم کو اجاگر کیا۔ تقریب نے عالمی اقتصادی مسائل کے حل اور G-24 کمیونٹی میں ٹیکس اصلاحات کے لیے متحرک آپشنز کی تلاش کے لیے بامعنی مکالمے کے لیے ایک پلیٹ فارم فراہم کیا۔
