لسبلیہ(صباح نیوز) لسبیلہ کی تحصیل اوتھل میں مسافر کوچ پتھر سے بھرے ٹرک سے ٹکرا گئی جس کے نتیجے میں11 افراد زخمی ہو گئے۔
پولیس کے مطابق حادثہ کراچی کوئٹہ قومی شاہراہ پر ایگریکلچر فارم کے قریب پیش آیا جہاں کوئٹہ سے کراچی جانے والی مسافر کوچ پتھر سے بھرے ٹرک سے ٹکرا گئی۔حادثے میں خواتین و بچوں سمیت 11 مسافر زخمی ہو گئے جنہیں ڈسٹرکٹ ہیڈ کوارٹر ہسپتال اوتھل منتقل کیا گیا۔ڈسٹرکٹ ہیڈ کوارٹر ہسپتال اوتھل سے 3 شدید زخمیوں کو کراچی کے ٹراما سینٹر منتقل کر دیا گیا ۔
