اسلام آباد(صباح نیوز)اقتصادی رابطہ کمیٹی (ای سی سی) نے درآمدی یوریا 2340 روپے فی بوری ڈیلر پرائس مقرر کرنے اور ہیوی الیکٹرک کمپلیکس کیلئے 8 کروڑ کی سپلیمنٹری گرانٹ کی منظوری دے دی ۔
وزارت خزانہ کی جانب سے جاری اعلامیہ کے مطابق وزیر خزانہ سینیٹر اسحاق ڈار کی زیرصدارت اقتصادی رابطہ کمیٹی کا اجلاس اسلام آباد میں ہوا ۔ اعلامیہ کے مطابق اجلاس میں درآمدی یوریا 2340 روپے فی بوری ڈیلر پرائس مقرر کرنے کی منظوری دی گئی۔
ہیوی الیکٹرک کمپلیکس کیلئے 8 کروڑ کی سپلیمنٹری گرانٹ بھی منظور کر لی گئی ۔ اعلامیہ میں کہا گیا کہ اقتصادی رابطہ کمیٹی نے 3 آر ایل این جی پلانٹس کی گیس سپلائی کے معاہدوں کی منظوری اور وزارت ہاوسنگ کی 50 کروڑ کی سپلیمنٹری گرانٹ بھی منظور کر لی گئی ۔
