اسلام آباد (صباح نیوز)اسلام آباد کے علاقے بہارہ کہو میں مری روڈ پر خوفناک ٹریفک حادثے میں 4 دوست جاں بحق اور ایک شدید زخمی ہو گیا۔ ریسکیو حکام کے مطابق بہارہ کہو سے مری جانے والی گاڑی بھیرہ پل کے قریب پیٹرول پمپ کے بورڈ سے ٹکرا گئی۔
حادثے میں گاڑی میں سوار 4 دوست موقع پر ہی جاں بحق ہو گئے جبکہ ایک کو شدید زخمی حالت میں پمز ہسپتال منتقل کر دیا گیا۔حادثے میں جاں بحق ہونے والے 3 افراد کی شناخت فرحان، فراز اور حمزہ کے ناموں سے ہوئی ۔
