کوہاٹ (صباح نیوز)کوہاٹ بورڈ کے زیر انتظام ہونے والے انٹرمیڈیٹ امتحانات میں پرچوں کے آؤٹ ہونے کا سلسلہ جاری رہا، دس بجے شروع ہونے والا بیالوجی کا فرسٹ ائیر کا پرچہ پونے نو بجے آئوٹ ہوگیا۔
کوہاٹ بورڈ مینجمنٹ کی نااہلی کھل کر سامنے آگئی بورڈ کے زیر انتظام ہونے والے امتحانات میں بیالوجی فرسٹ ائیر کا پرچہ شروع ہونے سے ایک گھنٹہ قبل آؤٹ پرچہ نجی تعلیمی اداروں کے باہر فوٹو سٹیٹ کی دکانوں پر دستیاب تھا،پرچے کے ہمراہ حل شدہ پیپر بھی موجود تھا۔ واضح رہے کہ گزشتہ روز سیکنڈ ائیر کا پرچہ بھی قبل ازوقت آؤٹ ہوا تھا اور دیگر پرچہ جات بھی آؤٹ ہوئے تھے۔
