کراچی(صباح نیوز)پاکستان تحریک انصاف کے سینئر رہنما جہانگیر ترین نے کہا ہے کہ غریب آدمی کیلئے بنیادی اشیا ء کی خریداری بہت مشکل ہوچکی ہے۔
کراچی میں جہانگیر ترین نے رکن قومی اسمبلی عالمگیر خان سے ان کے والد کے انتقال پر تعزیت کے بعدمیڈیا سے گفتگو کرتے ہوئے کہا کہ عالمگیر خان سے ان کے والد کے انتقال پر تعزیت کیلئے آیا تھا۔
اس موقع پر صحافی نے ان سے سوال کیا کہ وزیر اعظم عمران خان کا کہنا ہے کہ پاکستان دنیا کا سستا ترین ملک ہے، اس پر آپ کا کیا کہنا ہے؟جہانگیر ترین نے جواب دیاکہ غریب آدمی کیلئے بنیادی اشیا کی خریداری بہت مشکل ہوچکی ہے، غریب آدمی کو فرق نہیں پڑتا کہ کہاں مہنگائی ہے اور کہاں نہیں ہے۔
کراچی (صباح نیوز)حکمران جماعت تحریک انصاف (پی ٹی آئی)کے سینئر رہنما جہانگیر ترین نے سربراہ ایم کیو ایم بحالی کمیٹی فاروق ستار سے کراچی میں ملاقات کی ہے۔
یہ بات ایم کیو ایم بحالی کمیٹی کے سربراہ فاروق ستار نے میڈیا کو بتائی ہے۔ڈاکٹر فاروق ستار نے اس حوالے سے کہا کہ ملاقات میں کراچی سمیت ملک کی سیاسی صورتِ حال پر تفصیلی بات چیت ہوئی۔
سربراہ ایم کیو ایم بحالی کمیٹی فاروق ستار نے یہ بھی بتایا ہے کہ جہانگیر ترین نے آئندہ بھی مشاورتی سلسلہ بحال رکھنے پر اتفاق کیا ہے۔
