اسلام آباد(صباح نیوز)اقتصادی رابطہ کمیٹی نے مارگلہ بلاک میں ماڑی پیٹرولیم کیلئے 30 فیصد ورکنگ سود کی منظوری دے دی ۔ ای سی سی نے کویت سے کریڈٹ کی سہولت سے متعلق وزارت توانائی کی سمری موخر کردی ۔
وزارت خزانہ کی جانب سے جاری بیان کے مطابق وفاقی وزیرخزانہ اسحاق ڈارکی زیرصدارت اقتصادی رابطہ کمیٹی کا اجلاس اسلام آباد میں ہوا ۔ ای سی سی نے مارگلہ بلاک میں ماڑی پیٹرولیم کیلئے 30 فیصد ورکنگ سود اورگوادر پورٹ اتھارٹی کیلئے 80.22 کروڑروپے کی تکنیکی سپلیمنٹری گرانٹ کی منظوری دی ہے ۔
رقم بلوچستان فشریز ڈیپارٹمنٹ کے ساتھ رجسٹرڈ ماہی گیروں کوکشتیوں کے انجنوں کی خریداری کے لیے فراہم کی جائے گی ۔ اجلاس کے دوران ای سی سی نے وزارت نیشنل صحت کیلئے 20 کروڑ کی تکنیکی سپلیمنٹری گرانٹ بھی منظورکی ۔ کمیٹی نے کویت سے کریڈٹ کی سہولت سے متعلق وزارت توانائی کی سمری موخر کر دی ۔
