اسلام آباد(صباح نیوز)وفاقی وزیربرائے ریلوے وہوا بازی خواجہ محمد سعد رفیق نے کہا ہے کہ عمران خان کی چار سالہ حکومت ووٹ کی تذلیل کر کے قائم ہوئی۔ چیئرمین سینیٹ سے بلوچستان حکومت تشکیل تک ووٹ کی تذلیل کی گئی، پی ٹی آئی کی پنجاب حکومت ووٹ کی خرید کے دھندے سے قائم ہوئی۔ ووٹ کو عزت دو کا نعرہ ہمارا ہے،ووٹ چورعمران مافیامعافی مانگے پھر جمہور کی بات کرے۔
ان خیالات کااظہار خواجہ سعد رفیق نے آج ٹوئٹر پر جاری اپنے بیان میں کیا۔
خواجہ سعد رفیق نے کہا کہ بدی کے دیوتا عمران کے درجات دن بدن بلند ہو رہے ہیں ، انکی زبان کا شر ، نیت کا فتور،بد اعمالیوں کا ملبہ اور سازشوں کا دائرہ بڑھتا جا رہاہے۔ وہ مکمل گمراہی کی راہ پر تیزی سے گامزن ہیں ، مکافات عمل کا پہیہ تیز گام ہے ۔
