اسلام آباد(صباح نیوز)کورونا ویکسین کی ایک اور کھیپ پاکستان پہنچ گئی ۔یونیسف کے مطابق کوویکس کے تحت جرمنی سے عطیہ کردہ انسداد کورونا ویکسین کی 15 لاکھ موڈرنا ویکسین کی خوراکیں پاکستان پہنچائی گئیں، جو کہ قومی ویکسی نیشن مہم میں استعمال ہوں گی ۔
اعلامیے کے مطابق یونیسف نے گذشتہ 7 ماہ میں کوویکس کے تحت انسداد کورونا ویکسین کی 4 کروڑ 10 لاکھ خوراکیں پاکستان پہنچا چکا ہے۔
یونیسف کے مطابق کوویکس کے تحت مزید انسداد کورونا ویکسین کی خوراکیں جلد پاکستان پہنچیں گی۔
