قونیہ(صباح نیوز)پاکستانی ایتھلیٹ ارشد ندیم نے اسلامک گیمز میں بھی گولڈ میڈل جیت لیا۔ترکی کے شہر قونیہ میں جاری اسلامک گیمز میں 50 سے زائد ممالک کے ایتھلیٹ مختلف کھیلوں میں حصہ لے رہے ہیں۔
پاکستان کے ایتھلیٹ ارشد ندیم نے جیولن تھرو میں گولڈ میڈل جیت لیا، انہوں 88.55 میٹر لمبی تھرو کی۔
ارشد ندیم نے کامن ویلتھ گیمز میں بھی 90 میٹر سے دور نیزا پھینک کر سونے کا تمغہ اپنے نام کیا تھا۔ طلائی تمغہ جیتنے اور ریکارڈ قائم کرنے پر انہیں کئی انعامات سے بھی نوازا گیا تھا۔
