اسلام آباد(صباح نیوز)پاکستان میں کورونا وائر س کے کیسز پھر بڑھنے لگے، گزشتہ 24گھنٹوں کے دوران کورونا کیسز کی شرح 1اعشاریہ 22فی صد ریکارڈ کی گئی۔
ملک کورونا مریضوں کے حوالے سے مرتب کی گئی فہرست میں50ویں نمبر پر پہنچ چکا ہے، جبکہ گزشتہ 24گھنٹوں کے دوران 1 اور کورونا مریض انتقال کر گیا۔پاکستان میں گزشتہ 24 گھنٹوں کے دوران کورونا وائرس کے مزید 144 کیسز سامنے آئے ہیں، مزید 68 مریض اس سے شفایاب ہو گئے۔ پاکستان بھر میں اب تک 30 ہزار 382 کورونا وائرس کے مریض انتقال کر چکے ہیں جبکہ اس کے کل مریضوں کی تعداد 15 لاکھ 31 ہزار 581 ہو چکی ہے۔
ملک بھر میں اسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 2 ہزار 982 زیرِ علاج مریضوں میں سے 61 کی حالت تشویش ناک ہے، جبکہ کل 14 لاکھ 98 ہزار 217 مریض اب تک اس بیماری سے شفایاب ہو چکے ہیں۔
گزشتہ 24 گھنٹوں میں ملک میں کورونا وائرس کے مزید 11 ہزار 828 ٹیسٹ کیئے گئے، جبکہ اب تک کل 2 کروڑ 88 لاکھ 7 ہزار 107 کورونا ٹیسٹ کئے جا چکے ہیں۔
سندھ میں کورونا وائرس کے مریضوں کی تعداد دیگر صوبوں سے زیادہ 5 لاکھ 78 ہزار 6 ہو چکی ہے، جبکہ اس سے کل اموات 8 ہزار 108 ہو گئیں۔پنجاب میں کورونا وائرس کے اب تک 5 لاکھ 7 ہزار 561 مریض رپورٹ ہوئے ہیں جبکہ یہاں کل ہلاکتیں دیگر صوبوں سے زیادہ ہیں جو 13 ہزار 565 ہو چکی ہیں۔خیبر پختونخوا میں کورونا وائرس کے مریضوں کی تعداد 2 لاکھ 19 ہزار 756 ہو چکی ہے، جبکہ اس سے یہاں کل اموات 6 ہزار 324 ہو گئیں۔ وفاقی دارالحکومت اسلام آباد میں 1 لاکھ 35 ہزار 643 کورونا وائرس سے متاثرہ مریض اب تک سامنے آئے ہیں، جبکہ اب تک یہاں کل 1 ہزار 24 افراد اس وبا سے جان کی بازی ہار چکے ہیں۔
آزاد جموں و کشمیر میں کورونا وائرس کے اب تک 43 ہزار 356 مریض رپورٹ ہوئے ہیں، جبکہ اس کے باعث اب تک یہاں کل 792 مریض وفات پا چکے ہیں۔کورونا وائرس کے بلوچستان میں اب تک 35 ہزار 506 مریض رپورٹ ہوئے ہیں جہاں 378 افراد اس مرض سے انتقال کر چکے ۔گِلگت بلتستان میں کورونا وائرس کے 11 ہزار 753 مریض سامنے آئے جبکہ اس سے اب تک 191 افراد جاں بحق ہوئے ۔
