وانا(صباح نیوز)خیبر پختونخوا کے قبائلی ضلع جنوبی وزیرستان میںانتظامیہ نے امن وامان برقرار رکھنے کے لیے5اپریل تک دفعہ 144نافذ کردیا۔تفصیلات کے مطابق خیبر پختونخوا کے قبائلی ضلع جنوبی وزیرستان میںانتظامیہ نے امن وامان برقرار رکھنے کے لیے آج 28مارچ 2025سے 5اپریل2025 تک دفعہ 144 نافذ کردی۔ ڈپٹی کمشنر جنوبی وزیرستان ناصر خان نے بتایا کہ عوام کی جان و مال کے تحفظ اور امن برقرار رکھنے کے لیے ضلع بھر میں بروزجمعہ سے 5 اپریل تک کے لیے دفعہ 144 نافذ کردی گئی ہے۔ چاند رات پر ہوائی فائرنگ، ون ویلنگ پر مکمل پابندی عائد کرکے نوٹی فکیشن جاری کردیا گیا، جبکہ گاڑیوں میں کالے شیشے استعمال کرنے، ڈبل سواری اور اسلحہ کی نمائش پر بھی پابندی عائد ہوگی۔ دفعہ 144 کی خلاف ورزی کرنے والوں کے خلاف سیکشن 188 کے تحت قانونی کارروائی ہوگی، عوام سے درخواست ہے کہ انتظامیہ اور سیکیورٹی اداروں سے تعاون کریں۔(aw)
جنوبی وزیرستان میں امن وامان برقرار رکھنے کیلئے دفعہ 144 نافذ
