اسلام آباد(صباح نیوز)سپریم کورٹ آف پاکستان میں 24مارچ سے شروع ہونے والے عدالتی ہفتے میں کیسز کی سماعت کے لئے13 ریگولربینچز تشکیل دے دیئے گئے۔ ریگولربینچز سپریم کورٹ کی پرنسپل سیٹ اسلام آباد، لاہور، کراچی اور پشاور رجسٹریوں میں کیسز کی سماعت کریں گے۔ سپریم کورٹ کاآئینی بینچ آئندہ 2ہفتے کیسز کی سماعت نہیں کرے گا۔ آئینی بینچ دوبارہ 7اپریل 2025سے کیسز کی سماعت کاآغاز کرے گا۔
چیف جسٹس آف پاکستان جسٹس یحییٰ خان آفریدی کی سربراہی میں جسٹس میاں گل حسن اورنگزیب پر مشتمل 2رکنی بینچ سوموار 24اپریل سے جمعہ 28اپریل تک کیسز کی سماعت کرے گا۔جسٹس جمال خان مندوخیل کی سربراہی میں جسٹس اطہر من اللہ اور جسٹس ملک شہزاداحمد خان پر مشتمل 3رکنی بینچ سوموار سے جمعہ تک کیسز کی سماعت کرے گا۔ جسٹس نعیم اخترافغان کی سربراہی میں جسٹس اشتیاق ابراہیم پرمشتمل 2رکنی سوموار24مارچ سے 28مارچ جمعہ تک کیسز کی سماعت کرے گا۔سپریم کورٹ کے ایڈہاک جج جسٹس سردارطارق مسعود کی سربراہی میں ایڈہاک جج مظہر عالم خان میاں خیل پر مشتمل 2رکنی بینچ سوموار 24مارچھ سے جمعہ 28مارچ تک کیسز کی سماعت کرے گا۔
سپریم کورٹ کے سینئر ترین جج جسٹس سید منصورعلی شاہ کی سربراہی میں جسٹس عائشہ اے ملک پر مشتمل 2رکنی بینچ سوموار24مارچ سے جمعہ 28مارچ تک سپریم کورٹ لاہور رجسٹری میں کیسز کی سماعت کرے گا۔جسٹس عائشہ اے ملک کی سربراہی میں جسٹس شاہد وحید اور جسٹس شاہد بلال حسن پر مشتمل 3رکنی بینچ بدھ اورجمعرات کو دن ساڑھے 11بجے سپریم کورٹ لاہور رجسٹری میں کیسز کی سماعت کرے گا۔ جسٹس امین الدین خان کی سربراہی میں جسٹس شاہد وحید پر مشتمل 2رکنی بینچ سوموار 24مارچ سے 28مارچ جمعہ تک سپریم کورٹ لاہور رجسٹری میں کیسز کی سماعت کرے گا۔جسٹس شاہد بلال حسن کی سربراہی میں جسٹس عامر فاروق پرمشتمل 2رکنی بینچ سوموار24مارچ سے جمعہ 28مارچ تک روزانہ 50،50کیسز کی سماعت کرے گا ۔
جسٹس منیب اخترکی سربراہی میں جسٹس سید حسن اظہررضوی پر مشتمل 2رکنی بینچ سوموار، منگل، جمعرات اورجمعہ کوسپریم کورٹ کراچی رجسٹری میں کیسز کی سماعت کرے گا۔جسٹس محمد علی مظہر کی سربراہی میں جسٹس عقیل احمد عباسی پر مشتمل 2رکنی بینچ سوموار24مارچ سے جمعہ28مارچ تک سپریم کورٹ کراچی رجسٹری میں کیسز کی سماعت کرے گا۔ جسٹس عرفان سعادت خان کی سربراہی میں جسٹس محمد شفیع صدیقی پر مشتمل 2رکنی بینچ سوموار،منگل، جمعرات اور جمعہ کوسپریم کورٹ کراچی رجسٹری میں کیسز کی سماعت کرے گا۔جسٹس سید حسن اظہررضوی کی سربراہی میں جسٹس عرفان سعادت خان اور جسٹس محمد شفیع صدیقی پر مشتمل 3رکنی بینچ بدھ کے روز سپریم کورٹ کراچی رجسٹری میں20یسز کی سماعت کرے گا۔جسٹس مسرت ہلالی کی سربراہی میں جسٹس شکیل احمد پر مشتمل 2رکنی بینچ سپریم کورٹ پشاور رجسٹری میں سوموار 24مارچ سے 28مارچ جمعہ کے روز تک کیسز کی سماعت کرے گا۔ZS
