پشاور(صباح نیوز)پشاور میں رواں سال پولیس تھانوں پر حملوں کی رپورٹ سامنے آگئی۔رپورٹ کے مطابق رواں سال تھانوں پر 9 دستی بم حملے ہوئے جبکہ فائرنگ کے 28 واقعات رونما ہوئے۔
تھانا متھرا پر 3، تھانا ریگی اور تھانا ناصر باغ پر 2،2 جبکہ مچنی گیٹ اور تھانا بڈھ بیر پر ایک، ایک دستی بم حملہ ہوا۔ رپورٹ کے مطابق تھانا ناصر باغ پر فائرنگ کے 7 واقعات پیش آئے۔ریگی ماڈل ٹائون، ارمڑ اور بڈھ بیر تھانوں پر فائرنگ کے 3،3 واقعات پیش آئے۔رپورٹ کے مطابق پولیس تھانوں پر حملوں کی 32 ایف آئی آرز سی ٹی ڈی میں درج کی گئیں۔
