ٹوکیو (صباح نیوز)جاپان ایئرلائنز کے سسٹم پر سائبر حملوں کے باعث اندرون ملک اور بین الاقوامی پروازوں میں تاخیر ہوئی ہے ۔ اپان ایئرلائنز نے کہا ہے کہ اس کو سائبر حملے کا نشانہ بنایا گیا ہے جس کے باعث اندرون ملک اور بین الاقوامی پروازوں میں تاخیر ہوئی۔ جاپان ایئر کے حوالے سے بتایا کہ سائبر حملہ جمعرات کو مقامی وقت کے مطابق صبح ساڑھے سات بجے شروع ہوا اور کمپنی کے اندرونی اور بیرونی نظام کو متاثر کیا۔کمپنی نے کہا کہ اس نے ایک راٹر کو عارضی طور پر بند کر دیا جو سسٹم میں خرابی کا باعث بن رہا تھا اورپروازوں کے ٹکٹوں کی فروخت بھی معطل کر دی گئی تھی۔
ادھر، جاپان کی دوسری بڑی ایئرلائنز کمپنی آل نیپون ایئرویز کے ایک ترجمان کا کہنا تھا کہ ان کی کمپنی نے اپنے سسٹمز پر حملے کے کوئی آثار نہیں دیکھے۔واضح رہے کہ رواں ہفتے کے آغاز میں امریکن ایئرلائنز کو بھی ایک گھنٹے کے لیے تمام پروازوں کو عارضی طور پر گرانڈ کرنا پڑا جب اس کے نیٹ ورک میں تکنیکی خرابی پیدا ہوئی، اس معمولی خرابی کے باعث کرسمس کے موقع پر ہزاروں افراد کو سفر میں مشکلات کا سامنا کرنا پڑا۔
