اسلام آباد(صباح نیوز)قومی احتساب بیورو(نیب )کے غیرقانونی ٹھیکوں کے ریفرنس میں سابق وزیرخزانہ حفیظ شیخ بھی ملزم نامزد ہو گئے۔نیب کے ایگزیکٹو بورڈ نے اجلاس میں 2 ریفرنس دائر کرنے کی منظوری دیدی گئی۔
اجلاس میں 6 انویسٹی گیشن کی بھی منظوری دی گئی۔۔ ریفرنس فیڈرل بورڈ آف ریونیو کے افسران کیخلاف دائر کرنے کی منظوری دی گئی۔ ملزمان پرغیرملکی کمپنی کو غیرقانونی ٹھیکا دینے اور قومی خزانے کو 11.125 ملین ڈالر نقصان پہنچانے کا الزام ہے۔
میڈیا رپورٹ کے مطابق نیب کراچی نے حفیظ شیخ اور دیگر کیخلاف ریفرنسز فائل کرنے کی سفارش کی تھی۔ پیپلز پارٹی دور میں آٹومیشن سافٹ ویئر کیلئے گیارہ ملین ڈالر کا منصوبہ بنایا گیا اور کمپنی کو غیرقانونی ادائیگی سے خزانے کو نقصان پہنچایا گیا۔
سابق چئیرمین ایف بی آر سلمان صدیق اور اشعر عظیم ، عبداللہ یوسف بھی ملزمان میں شامل ہیں۔ اجلاس میں ایگزیکٹوانجینئر ایری گیشن ملتان رانا محمد افضل ودیگر کیخلاف بدعنوانی کاریفرنس دائرکرنے کی منظوری، رکن قومی اسمبلی برجیس طاہر، ٹھیکیدار سلیم گورایا، جیوماسٹر پرائیویٹ لمیٹڈ کی انتظامیہ، ای اوبی آئی کی انتظامیہ، بینک آف پنجاب کے افسران کیخلاف تحقیقات کی منظوری دی گئی ، گل حسن چنا،عبدالرزاق قریشی، سابق سیکریٹری ریونیو کیخلاف بھی تحقیقات کی منظوری دی گئی
نیب ایگزیکٹو بورڈ اجلاس میں فیصلہ ہوا کہ پی پی ایل کے خلاف انکوائری مزید کارروائی کے لیے متعلقہ محکمے کو بھیجی جائے گی۔
