پشاور(صباح نیوز) پشاور میں الخدمت بنوقابل پروگرام کے تحت آئی ٹی کورسز کاباقاعدہ آغاز کردیاگیا۔انٹرنیشنل کرکٹر فخرزمان نے نشترآباد پشاورمیں آئی سینٹرکا افتتاح کردیا۔الخدمت فاؤنڈیشن کے تحت نوجوانوں کومفت آئی ٹی کورسز اور آن لائن بزنس کی تربیت کے لئے کلاسزکا آغاز کردیا گیا،
نشترآباد پشاورمیں پہلے آئی ٹی سینٹر کی افتتاحی تقریب الخدمت فاؤنڈیشن کے ضلعی دفترمیں صوبائی صدر خالدوقاص کی زیرصدارت منعقد کی گئی اس موقع پر انٹرنیشنل کرکٹر فخرزمان مہمان خصوصی تھے ،
تقریب میں الخدمت فاؤنڈیشن پاکستان کے مرکزی صدر پروفیسر ڈاکٹر حفیظ الرحمن نے خصوصی طور پر شرکت کی ،تقریب میں صوبائی نائب صدر تاج الملوک ،ضلعی صدر ارباب عبدالحسیب ،جنرل سیکرٹری ملک پرویز خان سمیت دیگرمقامی قائدین اور معززین شہر نے کثیر تعدادمیں شرکت کی۔
واضح رہے کہ الخدمت بنوقابل پروگرام کا کراچی،لاہور،اسلام آباد میں کامیاب انعقادکے بعد پشاور میں بھی عملی آغازکردیا گیا جس کیلئے منعقدہ انٹری ٹسٹ میں ایک لاکھ 65ہزار سے زائد طلبہ وطالبات نے حصہ لیا تھا الخدمت فاؤنڈیشن نے بنوقابل پروگرام کے تحت ملک بھر میں10لاکھ اور صوبہ خیبرپختونخوا کے3لاکھ سے زائد نوجوانوں کو مفت آئی ٹی کورسز کرانے کا ہدف طے کیا ہے۔صوبہ خیبرپختونخواکے ڈویژنل ہیڈکوارٹرز پر پہلے مرحلے میں آئی ٹی سینٹرز کا آغازکیاجائے گا جس کے بعددیگر اضلاع تک ان سینٹرز کا دائرہ کار بڑھایاجائے گا۔
