غزہ (صباح نیوز) وسطی اور جنوبی غزہ میں اسرائیلی حملوں میں24 گھنٹوں کے دوران مزید76فلسطینی شہید ہوگئے ۔ وسطی غزہ میں ایک حملے میں37 فلسطینی شہید ہوگئے، پیر کو رات گئے خان یونس میں ایک کیفے کے قریب فضائی حملے میں 7 فلسطینی شہید ہوئے۔متاثرہ مقام سے نصف میل کے فاصلے پر رہائش پذیر 25 سالہ محمد نی بتایا کہ کچھ افراد انخلا نہیں کرسکے اور گھروں میں محصور ہوکر رہ گئے اور باہر نکلنے کی جبکہ دیگر افراد جو سامان ہاتھ آیا لیکر گھروں سے نکل گئے،
بیت لاہیا کے قریب کمال عدوان اسپتال پر اسرائیلی ڈرون کے حملے میں طبی عملے کے 3 اہلکار زخمی ہوگئے۔الجزیرہ کے وسطی غزہ کے علاقے دیر البلاح میں موجود نمائندے ہانی محمود نے بتایا کہ منگل کی صبح سے جاری متعدد اسرائیلی حملوں میں کم ازکم 25 فلسطینی شہید ہوگئے، جن میں کم ازکم 11 افراد جنوبی غزہ کے علاقے خان یونس کے شمالی علاقے المواسی میں پناہ گزینوں کے خیموں پر کی گئی اسرائیلی بمباری میں شہید ہوئے۔
انہوں نے بتا یا کہ شہدا میں 2 بچے اور 3 کم سن بھی شامل ہیں جو کیفے میں اپنی پسندیدہ ٹیم کا فٹبال میچ دیکھ رہے تھے جبکہ 2 افراد وسطی غزہ کے نصیرت مہاجر کیمپ پر اسرائیلی فضائی حملے میں شہید ہوئے جبکہ متعدد افراد ملبے تلے دبے ہیں۔رپورٹ میں مزید بتایا گیا ہے کہ غزہ سٹی کے شمالی علاقے الجلاعا میں ایک گھر پر اسرائیلی بمباری کے نتیجے میں کم ازکم 8 افراد شہید ہوگئے۔وسطی غزہ کے علاقے دیر البلاح میں النور مسجد کے قریبی گنجان آباد علاقے میں اسرائیلی حملے میں کم ازکم 6 فلسطینی شہید جبکہ کم ازکم 10 افراد شدید زخمی ہوگئے۔
