کوئٹہ(صباح نیوز)کوئٹہ اور شکار میں 2 مختلف ٹریفک حادثات میں 6 افراد جاں بحق اور 18 زخمی ہوگئے۔ ریسکیوحکام کے مطابق کوئٹہ میں مسافر کوچ تیز رفتاری کے باعث الٹنے سے 3 افراد جاں بحق اور 18 سے زائد زخمی ہوگئے۔
افسوسناک ٹریفک حادثہ کوئٹہ کے کوئٹہ میں سونا خان ناکے کے قریب پیش آیا جہاں مسافر کوچ الٹ گئی، حادثے کے نتیجے میں جاں بحق افراد کی تعداد 3 ہوگئی جبکہ 18 سے زائد افراد زخمی ہیں۔ریسکیو حکام کے مطابق حادثہ تیز رفتاری کے باعث پیش آیا، زخمیوں کو شیخ زید ہسپتا ل منتقل کیا کردیا گیا۔ سندھ کے شہر شکارپور میں قومی شاہراہ پر تیز رفتار کار اور ٹرالر میں خوفناک تصادم کے نتیجے میں 3 افراد جاں بحق ہوگئے
۔شکارپور میں قومی شاہراہ پر تیز رفتاری کے باعث مہران کار اور ٹرالر میں تصادم ہو گیا جس کے نتیجے میں کار میں سوار 3 افراد موقع پر ہی دم توڑ گئے۔لاشوں کی شناخت حاکم علی، اختیار علی اور احمد علی کے نام سے ہوئی جبکہ لاشوں کو ہسپتا ل منتقل کردیا گیا۔پولیس کے مطابق کار سکھر سے شکارپور آرہی تھی کہ حادثہ پیش آگیا، حادثہ اتنا خوفناک تھا کہ کار مکمل طور پر تباہ ہوگئی جبکہ پولیس نے ٹرالر ڈرائیور کو گرفتار کرلیا۔
