اسلام آباد(صباح نیوز) چیئرمین سینٹ یوسف رضا گیلانی نے توشہ خانہ گاڑیوں کے ریفرنس پر نیب اور عدالت کا دائرہ اختیار چیلنج کر دیا۔احتساب عدالت اسلام آباد میں صدرمملکت آصف زرداری اور سابق وزرائے اعظم نوازشریف اور یوسف رضا گیلانی کیخلاف توشہ خانہ گاڑیوں کے ریفرنس پر سماعت ہوئی ، یوسف رضا گیلانی نے نیب اور عدالت کا دائرہ اختیار چیلنج کر دیا۔یوسف رضا گیلانی کے وکیل نے کہا کہ ترامیم بحال ہونے کے بعد احتساب عدالت اور نیب کا دائرہ اختیار ختم ہو چکا ہے۔احتساب عدالت کے جج عابد سجاد نے یوسف رضا گیلانی کی درخواست پر نیب کو نوٹس جاری کرتے ہوئے کہا کہ نیب آگاہ کرے کہ توشہ خانہ کیس اس کے دائرہ اختیار میں ہے یا نہیں؟ ۔ بعد ازاں عدالت نے دائرہ اختیار کی درخواست پر 26 ستمبر تک سماعت ملتوی کر دی۔
