دیر بالا (صباح نیوز)دیر بالا میں مسلسل بارشوں کے باعث مٹی کا تودہ ایک مکان پر گر گیا جس کے نتیجے میں ایک ہی خاندان کے 12 افراد جاں بحق ہو گئے۔پولیس کے مطابق جاں بحق ہونے والوں میں 9 بچے، 2 خواتین اور ایک مرد شامل ہیں۔
افسوسناک واقعہ دیربالا میں پاتراک کے علاقے میدن میں پیش آیا جہاں بارش اور رات کے اندھیرے کے باعث امدادی کارروائی میں سخت مشکلات کا سامنا کرنا پڑا۔امدادی کارروائیوں میں مقامی لوگوں کی بڑی تعداد کے علاوہ 1122 اپردیر، پولیس، لیویز اور سول ڈیفنس کے اہلکار شامل تھے۔
جاں بحق ہونے والے تمام افراد کی لاشیں مقامی لوگوں ریسکیو 1122 اپر دیر، سول ڈیفنس، پولیس اور لیویز کے جوانوں نے ریسیکو آپریشن کے ذریعے نکال لیں، ہسپتال منتقل کر دیا گیا ۔
