اسلام آباد (صباح نیوز)سپیکر قومی اسمبلی سردار ایاز صادق نے پائلٹ آفیسر راشد منہاس شہید(نشانِ حیدر)کو خراج عقیدت پیش کیا ہے۔
سپیکر قومی اسمبلی نے راشد منہاس شہید( نشان حیدر )کے 53 ویں یومِ شہادت کے موقع پر اپنے پیغام میں کہا کہ پائلٹ آفیسر راشد منہاس (نشانِ حیدر)کو خراجِ عقیدت پیش کرتا ہوں ، انہوں نے وطنِ عزیز کی حفاظت کے لئے اپنی جان کا نذرانہ پیش کیا، راشد منہاس شہید نے بے مثال بہادری اور جرت کا مظاہرہ کر کے قوم کا سر فخر سے بلند کیا،قوم ان کی قربانی اور شجاعت ہمیشہ یاد رکھے گی۔
سپیکر نے کہا کہ ہماری مسلح افواج نے مادرِ وطن کی خاطر لازوال قربانیاں پیش کی ہیں،وطن عزیز کے دفاع کے لیے کسی قربانی سے دریغ نہیں کریں گے۔
