واشنگٹن(صباح نیوز) امریکہ نے سعودی عرب کو اسلحہ فروخت کرنے کی منظوری دیدی۔
غیرملکی خبررساں ادارے کے مطابق امریکی دفترخارجہ نے سعودی عرب کو 65 کروڑ ڈالر کا اسلحہ فروخت کرنے کی منظوری دے دی۔دفاعی معاہدے میں فضا سے فضا میں مار کرنے والے میزائل شامل ہیں۔ میزائل فراہم کرنے کا فیصلہ سعودی سرحد پر بڑھتے حملوں کے بعد کیا گیا۔
حوثی باغیوں کی جانب سے سعودی سرحدی علاقوں میں ڈرون حملوں میں اضافہ دیکھا گیا ۔صدر بائیڈن کے عہدہ صدارت سنبھالنے کے بعد امریکا اور سعودی عرب کے درمیان یہ پہلا بڑا دفاعی معاہدہ ہے۔
