کراچی (صباح نیوز)پاکستان تحریک انصاف سندھ کے صدر حلیم عادل شیخ نے کہاہے کہ تحریک انصاف نے کراچی میں قومی اسمبلی کی 20 نشستیں جیتی ہیں.
پریس کانفرنس کرتے ہوئے پی ٹی آئی سندھ کے صدر حلیم عادل شیخ کا کہنا تھا کہ فارم 45 کے مطابق کراچی میں قومی اسمبلی کی 22 میں سے 20 اور صوبائی کی 40 سیٹیں جیتے ہیں۔پی ٹی آئی سندھ کے صدر نے کہا کہ حیدر آباد میں بھی قومی اسمبلی کی دو سیٹیں ہم بھاری مارجن سے جیتے ہیں۔حلیم عادل شیخ نے کہا کہ کراچی میں پی ٹی آئی اور جماعت اسلامی کو ووٹ پڑا ہے۔
