کوئٹہ(صباح نیوز)بلوچستان کے مختلف علاقوں میں زلزلے کے شدید جھٹکے محسوس کئے گئے۔
زلزلہ پیما مرکز کے مطابق کوئٹہ، ژوب اور گردونواح کے علاقوں میں زلزلے کے جھٹکے علی الصبح 4 بج کر 38 منٹ پر محسوس کئے گئے۔ زلزلے کے باعث لوگوں میں خوف وہراس پھیل گیا ، کلمہ طیبہ کا ورد کرتے ہوئے گھروں سے باہر نکل آئے۔
زلزلہ پیما مرکز کے مطابق زلزلے کی شدت ریکٹر سکیل پر 4.2 ریکارڈ کی گئی جبکہ زلزلے کا مرکز ژوب سے 123 کلومیٹر شمال میں تھا۔ زلزلے سے تاحال کسی جانی ومالی نقصان کی اطلاع نہیں ملی۔
