کوئٹہ(صباح نیوز)بلوچستان کے مختلف علاقوں میں زلزلے کے جھٹکے محسوس کئے گئے۔
زلزلہ پیما مرکز کے مطابق سبی اور اس کے اطراف میں زلزلے کے جھٹکے محسوس کئے گئے۔
زلزلے کی شدت 3.5 اورگہرائی 23 کلومیٹر ریکارڈ کی گئی جبکہ مرکز سبی سے 58 کلومیٹر دور جنوب مشرق میں تھا۔
زلزلہ پیما مرکز کے مطابق بلوچستان کے ضلع خضدار اور اطراف میں بھی زلزلے کے جھٹکے محسوس کئے گئے۔زلزلے کے شدت 3.6 اور گہرائی 25 کلو میٹر ریکارڈ کی گئی۔
زلزلے کا مرکز خضدار سے 90 کلومیٹر دور جنوب میں تھا۔زلزلے کے جھٹکوں نے شہریوں کو خوفزدہ کردیا۔شہری کلمہ طیبہ کا ورد کرتے ہوئے گھروں سے باہر آگئے۔
زلزلے سے اب تک کسی بھی قسم کے جانی اور مالی نقصانات کی اطلاعات موصول نہیں ہوئی۔
