ملتان (صباح نیوز)قومی کرکٹ ٹیم کے کپتان بابر اعظم نے جنوبی افریقا کے سابق بلے باز ہاشم آملہ کا ریکارڈ توڑ دیا۔
ملتان میں جاری ایشیا کپ کے پہلے میچ میں نیپال کے خلاف سنچری بنا کر بابر اعظم نے ایک اور اعزاز اپنے نام کرلیا۔بابر اعظم نے سب سے کم اننگز میں 19 سنچریوں کا ریکارڈ بنادیا، بابر نے کیریئر کی 102 ویں اننگز میں اپنی 19 ویں سنچری اسکور کی۔ جنوبی افریقا کے ہاشم آملہ نے 19 ویں سنچری اننگ نمبر 104 میں کی تھی۔
بابر نے اس سے قبل 97 ویں اننگز میں 18 ویں سنچری اسکور کی تھی اور 100 سے کم اننگز میں 18 سنچریاں کرنے والے پہلے بیٹر بنے تھے۔بابر نے 13 ویں، 14ویں، 15ویں، 16ویں اور17 ویں سنچری بھی سے کم اننگز میں کی تھیں، بابر نے ابتدائی 10 سنچریاں 68 اننگز میں کیں، پھر 34 اننگز میں 9 سنچریاں بنائیں۔کم سے کم اننگز میں 19 سنچریاں بنانے والے بیٹرز میں بابر اعظم ، 102 اننگز،ہاشم آملہ،104 اننگز،ویرات کوہلی ، 124 اننگز،ڈیوڈ وارنر ، 139 اننگز اوراے بی ڈی ویلیئرز، 171 اننگز شامل ہیں۔۔
