حسن علی آئی سی سی پلیئر آف دی منتھ کیلیے نامزد


دبئی : انٹرنیشنل کرکٹ کونسل (آئی سی سی) نے قومی فاسٹ بولر حسن علی کو مئی کے بہترین کھلاڑیوں کی نامزد فہرست میں شامل کر لیا۔ آئی سی سی کی طرف سے جاری کردہ تفصیلات کے مطابق مینز پلیئر آف دی منتھ کے لئے پاکستان کے حسن علی، سری لنکا کے جائے وکرما اور بنگلا دیش کے مشفق الرحیم کو نامزد کیا ہے۔

حسن علی نے مئی میں زمبابوے کے خلاف 2 ٹیسٹ میچوں کی سیریز میں شاندار کارکردگی کا مظاہرہ کیا اور 8.92 کی اوسط سے 14 وکٹیں حاصل کیں، اس کارکردگی کی بدولت انہیں آئی سی سی پلیئر آف دی منتھ کیلئے نامزد کیا گیا ہے۔ شائقین کے ساتھ کرکٹ ایکسپرٹ کا پینل ووٹنگ کے ذریعے پلیئرآف دی منتھ کا انتخاب کرے گا۔

مزید پڑھیں: بابر اعظم پلیئر آف دی منتھ قرار

واضح رہے کہ گزشتہ ماہ قومی ٹیم کے کپتان بابر اعظم نے پلیئر آف دی منتھ کا اعزاز اپنے نام کیا تھا۔