لانگ مارچ کو کچلنے کیلئے41 کروڑ کا بجٹ منظور ، نہ کوئی شرم نہ حیا ہے، اسد عمر


اسلام آباد(صباح نیوز)رہنما تحریک انصاف اسد عمر کا کہنا ہے کہ حکومت مقروض ہے اور آئی ایم ایف کی شرائط ماننے پر مجبور ہے۔

اسد عمر نے سماجی رابطے کی ویب سائٹ ٹوئٹر پربیان میں کہا کہ بجلی، گیس، پیٹرول، آٹا، دالیں اور باقی سب کچھ مہنگا ہے کیونکہ حکومت مقروض اور آئی ایم ایف کی شرائط ماننے پر مجبور ہے۔

انہوں نے کہا کہ لیکن کابینہ نے نہتے عوام پر تشدد کرنے کے لئے لانگ مارچ کو کچلنے کا 41 کروڑ کا بجٹ منظور کر لیا ہے، نا کوئی شرم نا حیا ہے۔