میرانشاہ(صباح نیوز) شمالی وزیرستان میں سکیورٹی فورسز اور دہشت گردوں کے درمیان فائرنگ کے تبادلے میں نائیک شہید ہوگئے۔
پاک فوج کے شعبہ تعلقات (آئی ایس پی آر) کے مطابق شمالی وزیرستان کے ضلع میران شاہ میں دہشت گردوں اور سکیورٹی فورسز کے درمیان فائرنگ کے تبادلے میں32سالہ نائیک زاہد احمد نے بہادری سے لڑتے ہوئے جام شہادت نوش کیا۔
فائرنگ کے تبادلے میں ایک دہشتگرد مارا گیا جس کی شناخت ضیاء اللہ کے نام سے ہوئی ہے۔ دہشتگردوں سے اسلحہ اورگولہ بارود بھی برآمد ہوا ہے۔
