کراچی (صباح نیوز) کراچی میں فائرنگ کے چار واقعات میں چار افراد کو گولیاں مار دی گئیں۔سائٹ ایریا میں اسٹریٹ کرائم کی واردات کے دوران ڈاکوں نے شہری کو دو گولیاں ماریں اور فرار ہوگئے۔
ادھر نیو کراچی صبا سنیما کے قریب ڈکیتی مزاحمت پر شہری کو فائرنگ کرکے زخمی کردیا گیا، گلشن اقبال بلاک 5 میں بھی ڈکیتی کے دوران مزاحمت کرنے پر ایک شخص کو گولی مار دی گئی۔
ریسکیو ذرائع کے مطابق منگھوپیر میں 55 سالہ شہری کو گولیاں مار کر زخمی کیا گیا، زخمی شہری کی شناخت ذیشان کے نام سے ہوئی، تمام وارداتوں میں ملزمان شہریوں نے نقدی اور موبائل فون چھین کر فرار ہوگئے۔
ڈکیتی مزاحمت کے دوران زخمی ہونے والے شہریوں کو طبی امداد کے لیے اسپتال میں منتقل کردیا گیا۔ایس ایس پی کیماڑی کا کہنا ہے کہ سائٹ ایریا میں زخمی حالت میں گرفتار ملزم دوران علاج دم توڑ گیا، ملزم کو پولیس مقابلے میں گرفتار کیا گیا تھا۔
