اسلام آباد(صباح نیوز)بھارت میں زیرحراست سمیرا کوپاکستانی شہریت کا تصدیق نامہ جاری کردیا گیا، سفری اجازت نامہ ملنے کے بعد سمیرا اور ان کی4سالہ بیٹی پاکستان آسکیں گی۔
وزیر داخلہ شیخ رشید کا کہنا ہے کہ سمیرا کو شہریت نامہ نادرا سے خاندان کی تصدیق کے بعد جاری کیا گیا۔سمیرا کی شہریت تصدیق نامے کا مراسلہ وزارت خارجہ کو بھیج دیا گیا،
شہریت کی تصدیق پر سمیرا کو نئی دلی میں پاکستانی ہائی کمیشن سفری دستاویزجاری کردے گا۔شیخ رشید کا کہنا تھا کہ سفری دستاویز جاری ہونے پر سمیرا اور ان کی 4 سال کی بیٹی بھی پاکستان آسکے گی۔
