خضدار(صباح نیوز)خضدار میں ٹریفک حادثات 3افراد جاں بحق اور 5 افراد شدید زخمی ہوگئے۔
تفصیلات کے مطابق وڈھ کے قریب ٹک کراس کے مقام پر فیلڈر اور موٹرسائیکل تصادم میں چار افراد شدید زخمی۔کلی براہمزائی کے مقام پر کوچ نے موٹرسائیکل سوار کو کچل ڈالا جس کے نتیجے میں عبدالمالک والد عبدالعزیز مینگل ساکن آڑینجی جاں بحق ہو گئے ۔
دراکھالہ حادثے میں ایک شخص جاں بحق اورایک زخمی ہو گیا ۔ وڈھ سونارو پاٹ ندی کے مقام پر رکشہ الٹنے سے محمد شریف گرگناڑی جاں بحق جبکہ ساتھی زخمی ہوا۔ جاں بحق اور زخمیوں کو وڈھ ہسپتال منتقل کردیا گیا۔
